JESUS US SCHOGGI   (Frei nach "Chocolate Jesus" von Tom Waits)

Los, i ga am Sunnti nid id Chile, zum ga bätte gani nid ufd Chnöi
I lehre keni Värsli us der Bible, i gloube nid das die öppis chöi
I weiss, der Jesus liebt mi, sogar es Birebitzeli meh
Ufd Chnöi gani am Sunnti, u zwar a jedem, vorem Kiosk weni Schläckzüg gseh

I bruche e Jesus us Schoggi, macht mi vo inne här froh
I bruche e Jesus us Schoggi, nüt erfüut mi so

Nei, i wott uf ke Fau e Chätschi, i wott o kes Carambar
Es git ganz eifach nüt bessers, passenders für dä Tag
S isch ds einzige, wo mi wider ufsteut, wärtvoller als Goud
Lue, num mitem Jesus us Schoggi isch mini Seel vertrout

Wenn d Sunne brätscht u du im Schatte bimne Bier
Bisch froh git's di Heiland i Plastik u nid nume uf Papier
Är wird weich, faht afa wandle, aber isch egau
Giessischne uf ds Sorbet, e Coupe Abemau

I mir inn rüefts nacheme Jesus us Schoggi, grad guet gnue für mi
I schwöre i bruche e Jesus us Schoggi, damit i zfride bi
I bruche ächt e Jesus us Schoggi, macht mi vo inne här froh
Bitte gimer e Jesus us Schoggi, nüt erfüut mi so 

(Text © Ian Leu, 2016)